Vawngchuan Tlang

               "VAWNGCHUAN TLÂNG"

    Chul ram riah

By
Sam Hauhnar

Lamchhip

Thingthupui Street.

Kum 1974 tir ani a,Chhiahtlang a tang a Lamchhip khuaa hruaikhawm kan kai leh hnu lawk a thlawhma a tan a Vawngchuan ram theh kum ani a,kei nin Vawngchuan tlang kan nei a.Buh a tha duhin mahni khua kan kai chho leh tawh bawk nen kan hlim tlang khawp mai.

     Chu mi kum tir Pawltkût thla tir ani a,lo kan vat zo tawh bawk nen awllên lai ni bawk a Vawngchuan chul a Vaithang kam ram riah pah a Chuanhnuai a Sunhlu tlan Sakhi leh Sazuk vel chân tumin ka riak lut a.Ka riah luh dawn zan hian kan Khua mi Bawiliana hi a damlo thut mai a,zanah thalai ho in a men pui hial ngaikhawp in a awm a.Mahse a tukah a that ziaawm lam a pan tak avangin ka tum ang chuan ka riak lut ta tho a.Nau riltam hunawm velah kan chhuak a,Behliang mûn hun awm velah kan thlam chu kan thleng a.

       Thingpui lum pahin vaithang te chu ka siam mawlh mawlh a,zangsî lo tla te chu kan vuah tha a,za vel lai chu niin ka hria.Thingpui sen sa hângin pahin vaihlo zial ka zu pah a,ka zuk zawh hnu in ni kang lam deuhah hian Sazu hi an tlat tam zawk a vangin Chuanhnuai lam kawngah chuan ka in pu thla ta a,kawng a lo thar hlawm a vangin ka vit thla nghal nghauh ngauh a.Vau lam a tanga lo lut kam hual zawh hnu in ka kam thlak lohna lam sir deuh thlam lamah  chuan kam chho zelin Fasuar hnuai buhpawl chu ka kam hual leh a,a bak chu thlam bul vel kamhual nan tiin ka pu chho a,ka kam zawhin thlam hnuai mangkhawng te chu kan khai leh a.Thlam kawngka tlengrel ka namtawlh chiah tihah chuan Chuanhnuai lam a tang chuan kûk raih hi ka hria a.Kan ngaithla chiang a thawm ka hre zui lem lo a,mi ram vâk ah ngaiin,ngaihthatlohna pawh nei lem lo chuan ka lut a thingpuite in pahin zialte ka zu a.

        Ka kam zawh chuan khua alo tlai tawh bawk nen riahluh zân te ani bawk a,sa lam chu chang peih ta lo a,Lo lu piah mual lam ah khian Ramâr khuang thin khi ka han ngaithla chhin ange ka ti rilru a.Musep Ramâr kahna tur chu ka beng a,zan riah tur chaw ka chhuang pah vawi khat ka her chhuak a,Vaihlo zial te ka zuk zawh hnu chuan lo lu lamah chuan ka chuang kai chho ta a.Vau ka hanthleng a, ruam rai laiah phei zel in kawrte tui kang chat tawh chu ka kân chho a tlangpawng laiah chuan ka thu vang a,rei pawh ka thut hma chuan khua pawh a thim tlai tan hle tawh,kawl chu a sen phut a.Ka duh aiin ka tlai deuh hlek bawk nen a lo kâi hman ka hlau rilru hle a.Zial a chanve vel ka zûk zawhawmah chuan kan vei lampang sirah chuan Ramâr chu a kai ri ta pharh phar a,a ri tang chuan a kai sân vak ka ring lo.Rilru a hlim ru veng vengin khua chu ka nghak thim a.Thla mang lai ani bawk a khua an thim chiah chu a thim chhah kher mai,Mau hnah kar vela arsi lang zeuh zeuh bak êng hmuh tur a awm meuh lo.Rei tâwkfang ka rial hnu chuan ka sihdêt chu chhi in Ramâr kaina lam chu ka veh phei ta threm threm a.Ka rinaiin a kaina chu alo hla a zek a lo fingkhat awm vel zet ka kalhnu chuan mualawih deuh laia, hnakhar tar lam tawh kungah chuan Ramar chu alo fu vanga,awm hmun te ka han siam rem hnu chuan,kan han tin vang vang a mual khâwk rum rum khawp chuan ka kâp ta a,silai zen khu rum rum karah a tla ri dawt a, Patling na tuar a aih thawt thawm ni awm tak hi ka hre ta a,mak ka tiin ka ngaithla chiang a mahse a reh tak daih avangin ka Ramâr kah chhar tur chuan ka chhuk a.ka zuk thlen chuan ka thilhmuh chu mak ka ti kher mai,ka kah kha Ramâr awzawng alo nilo,Choâk alo ni a a mit a sen vek bawk a,a awm vêlah chuan thi alo kai nuai a,min râp kher mai,ka kah dawn a ulûk tak a ka tin lai pawh khan ramâr ani tih ka hai lo.Ka thâuah  min man a,Ngaihtha lo leh hlau rilru takin hmanhmawh takin thlam lam panin ka kal a.Ka kal chu thawm in min zui nghal a,ka hnungah hian natuar thaw trawk trawk ri chuan min zui reng a,ka tukhum chu a khat tawk in thawk khum ang hian a rawn lum leh ham ham thin.Boruak a uap churh a,rim uih leh thangin pawlh huam huam hian min tuam bawk a.Ka kal chak kher mai.Thlawhhma ka thlen chuan ka thawm hriat leh boruak uap churh te chuan min kian san a,thaw a veng huai mai.Thlam alang thei tawh a mahse ka la thlenglo deuh tihah,Chuanhnuai lam a tang chuan kûk ri hi a ri leh raih a,mak ka ti rilru hle a,sa chang an awm ve ti dawn ila,sa chan laia kûk ruih ruih thu awm hek suh.Ngaihtha zân lo chuan Chawilung ram lamah thingzai an awm aniang te ka han ti ringawt a.Ka ngaihtuah neuh neuh lai chuan thlam pawh chu ka pawh thla ve chhawm mai a.

         Chaw eikham a,Vaithang kam vêl leh tur te ka ni bawk a chaw ei chu ka siam a,ka ei sawk sawk a,ka ei zawh a,thingpui sen hâng in pah a zial te zu in ka thil tawn chu ka ngaihtuah neuh neuh a,mak ka tiin ka awm hial a ti nuam lo lek lek mai.Zial te kan  han zuk zawh chuan vaithang vel tur chuan ka chhuak zui nghal mai a.Thlam bul hnaih deuh ho chu ka en kual thuak thuak a,thlam a thawm ka la neih reng vang te niang per ala awm lo.Ka chhukthla zêl a,ka sihdêt chuan thang pakhat ka han ên a,a lo per kûl pân mai,ka han bih chian chuan a patiltawlh lian tha zet hi alo âwk a,ha han la chu a rîl alo in phawrh vek a,Sazu dangin an khei anih ringing,ngaihthatlohna pawh nei lem lo chuan ka ak mai a, thang dang chu ka han ên kual a,awk chu an awm nual mai ka ti rilru a.A âwk ni a ka hriat thang lam pan chuan ka han kal leh a.Thanga Sazu lo awk a piang chu a ril alo in khei sa zel mai a,a bulah eng hnuhma mah ka hmu bawk silo.Ngaihtha lo tak chuan ka en kual zel a.Vau ka thlengthla tep tihah chuan sazu chîk ri trawt trawt hi ka hria a,thawm ka hriat na lam pan chuan ka han kal vat a,ka vaithang kam  chu a che dat dat a,buh hi a ah ah ât kan nih vang hian awm chen vel tur hi ala ni a.Eng in emaw ka thang awk chu a khawih tih hriat takin buh kûng te chu a che dat dat a.Buh hi ah ah ât kan nih vang hian buhkungte te pawh âwm chen vel hi an la ni a.Thawm dim tak chuan ka pan thla a ka hnaih deuh hnu chuan sazu chu ei tu awm tih hriat tak hian a ri hmarh hmarh mai a,satê emaw Sanghar in a ei a nih ka ring a,ka  han bih chiang chu ka phu chiang kher mai.Patling sam thur hrehru,bawrchhawr tak hian ka thangâwk chu alo ei chu niin.Ka phu nasa lutuk chu ka lo au chhuak nge ni,muang chang chuan ka lam alo hawi a.A mak ka ti leh ka hlauhna kha a in ang vel ta ve ang,ka ramriah dawn a damlo Bawiliana ngei kha niin,a khabe leh kamsir te chu sazu a eina thisen te chu a kai luai mai a,a meng sên rûm mai a,Sazu chu ala thial hmarh hmarh a.Nui thu a a ban rawn phar chhuakin ,aw thum cher chhawr hian "i duhve em?" a rawn ti a.Hlauh namen in ka hlau ta a,Ka hlau lutuk chu thang dang en chu sawi loh ,ka in her lawk a thlam lampan chuan ka tlan chho chiam mai a,ka hlau bawk ne maubul bâwk ah te chuan ka inchhuih chho nawk nawk a,lum leh tlan ka fawm ani ber.

  Thlam ka thleng cho trep tawh a,thlam pawh alang theih tawh.Mahse,thlam lei kaah chuan mi 1 thu niawm tak hi ka han hmu thei a.Tu nge anih chu hrelo mah ila ka hmuh pa bak kha nih ka ring lo a,ka ding deuh dat a."Patling a pumpa mahni thlamah chuan ka lut ngam tur ani" ti a in seh ruh in ka pan chho ta a.Thlam ka han thlen chuan alo awm tawh lo a,tlengrel nawr tawlh a ka lut dawn chiah chu hnung lam tang hian ka kawr ngawngah chuan min rawn phih dawrh a,ka thal chiang kher mai.Kei ka tang chuan ka tla lek lek hial ani.Ka tho leh thuai a,thlamah chuan lut vat in tlengrel chu ka khar leh vat a,mei te chhem eng thuaiin thingpui ka chhuang a.Ka sazu awh sa chu phur lo zet in ka puah a,sazu vuak faina tur buarzên la a ka chhuak chu patling na tuar rum dar dar thawm hi thlam hnuaiah chuan ka hria a.Sihdêt nen a pan hnaiin ka han bih a,mahse engmah chu ka hmu lo a.Ka luh leh hnu chuan thingpui te in in sazu te chu ka han puah a,ka puah zawh hnu chuan mutna te siamin mut ka han tum a,ka thil tawn vel teh hrep te vang chuan mut a chhuak lo kher mai.

    Mutna te ka han siamfel hnu chuan mut zai ka han rel ta a.Ka lo muthlu hman sek tih velah chuan thlam leihka chu rap tu a awm tih hriat tak hian a rawn ri ruap ruap a.Ka sihdet leh silai chuh thuaiin a chêng kausa rânin kawngka lam chu ka tin vang a."Tu nge inih?Enge i duh" tiin ka han au tuarh a.Thawm chu a reh hmak a," Tu nge inih ka kâp dawn che nia" ka van ti vin leh tuar a.Thawm chu rawn ri leh tham tham in tlengrel chu muangchang hian a rawn in hawng a,chu tah rim uih deuh thâng deuh tawrh har zet chu a rawn nam lut chum chum a.Kha pa bawk kha niin mit meng sen rum hian a rawn dak a.Ka silai chuan ka han kâp dawt a.Silai ri thangkhawk pawh a reh hma chuan patling nau au ruah ruah hian thawm a rawn ri zui a,Vau te chu a khawp rum rum thei hian in ka hria.Thlam chu namen loh aia nasa hian a rawn in sawi ta tak tak,din pawh a din hleih theih loh,a ri tuarh tuarh a a chim dawn nihhi ka ti hman hian thin.Rei vaklo hnuah chuan thlam sawi pawh chu a reh a.Tlam bul velah chuan liam na tak tuar rum trawk trawk thawm nen chuan thlam chu a hel kual a.Rei vak lo hnuah chuan vau lam pan chuan thawm chu a ri phei zel a,a zawi tial tial a a reh zui ta a.Mei te thawm tha in silai mu ka thun a,ka mu zui ta a.

Zanlaiah chuan ka mu tui lai chu sazu chik trawt trawt ri hian min ti harh a,ka ngaithla chiang a a reh ta daih a.Mei chu alo rêm vek tawh a,Ka tho chhuak a mei te nun in zunram ka thiar zawh chuan ka mu leh mai a.Ka mu fel chiah tih chuan thlam hnuaiah chuan thil ei ri hmarh hmarh thawm ka hre ta.Ka sihdêt chu la in chhuat dâp chu kan keu a, inhnuai lam chu kan bih chuan ka phu nasa lutuk!!! Chu kan thlahrang pah bawk chuan Sazu chu lo ei leh chuap chuap mai.Ka zuk ên fuh chiah chuan min han insiam chhiat khum tak tak mai a.Ka phu nasa lutuk chuan ka sihdet chu dâp âwngah chuan ka thlauh ta daih a.Ka silai ka la a,rap a mau chu vawkeh sawk sawkin meichher ah ka hmang a,ka chhi kai a thlam hnuai lamah cchuan ka chhuk thla a.Inhnuai chu ka meichher êngah chuan a lang kim deuh vek thei a.Meichherin kan en chuan Bawiliana thla chu thlam thrawmmawlah chuan a letling zawng hian a lo uai zuar mai a.Ka silai chêng kau sa ka ni bawk a ka kap ta thuai mai a.Mit khap karin a bo ta daih a,Sihdêt chu ka chhar thuai a,thlam châr a buhpawl dahkhawm chu hâl tur in ka phei thuai a,thlam kângkai pha lo turin ka theh khawm thuai thuaiin ka hâl zui ta a.Vâu lamah chuan patling au ruah ruah hi a ri khawk rum rum a,thlam chhungah chuan ka lut leh thuai a.Ka silai mu te ka thun leh thuai thuai a.Mutmu pawh ka tuah thei meuh tawh lo,mei chu ka thawm tha zel a Vaithang vel pawh chu a lang tawh lo.

    Rei a riallo,to thlir tleh intham ang mai hian vau vel te chu a ri hum hum a,mau a puak ri leh thuai thuai bawk a.Eng