"VAWNGCHUAN TLÂNG" Chul ram riah By Sam Hauhnar Lamchhip Thingthupui Street. Kum 1974 tir ani a,Chhiahtlang a tang a Lamchhip khuaa hruaikhawm kan kai leh hnu lawk a thlawhma a tan a Vawngchuan ram theh kum ani a,kei nin Vawngchuan tlang kan nei a.Buh a tha duhin mahni khua kan kai chho leh tawh bawk nen kan hlim tlang khawp mai. Chu mi kum tir Pawltkût thla tir ani a,lo kan vat zo tawh bawk nen awllên lai ni bawk a Vawngchuan chul a Vaithang kam ram riah pah a Chuanhnuai a Sunhlu tlan Sakhi leh Sazuk vel chân tumin ka riak lut a.Ka riah luh dawn zan hian kan Khua mi Bawiliana hi a damlo thut mai a,zanah thalai ho in a men pui hial ngaikhawp in a awm a.Mahse a tukah a that ziaawm lam a pan tak avangin ka tum ang chuan ka riak lut ta tho a.Nau riltam hunawm velah kan chhuak a,Behliang mûn hun awm velah kan thlam chu kan thleng a. Thingpui lum p...